روبوٹ تیزی سے انسانی معاشروں میں سرایت کرتے جارہے ہیں اور اب جنگ کے میدان میں بھی روبوٹ لائے جانے کی تیاریاں کی جارہی ہیں اسی سلسلے میں تیار کیے گئے بڑے روبوٹس کے درمیان مصنوعی جنگ کا میدان سجنے جا رہا ہے امریکا میں جس نے جاپان کو چیلنج کردیا ہے کہ وہ اس کے تیار کردہ ان روبوٹس کا مقابلہ کر کے دکھائے۔
بڑے اور عظیم الشان روبوٹ تیار کرنے والی امریکی کمپنی میگا بوٹس نے ایسے جدید وربوٹ تیار کیے ہیں جو باقاعدہ جنگ کر سکتے ہیں جب کہ امریکا نے جاپان کو چیلنج کیا ہے کہ وہ اتنے روبوٹ تیار کرکے لائے اور امریکا میں ہونے والے مقابلے میں اپنا زور دکھاسکیں۔ امریکی کمپنی کے تیار کردہ مارک ٹو روبوٹ 6 ٹن وزنی ہے جسے دو پائیلٹ کنٹرول کرتے ہیں جب کہ یہ روبوٹ 3 پاؤنڈز پینٹ ایک سومیل فی گھنٹہ کی رفتار سے پھینک سکتا ہے۔ دلچسپ بات یہ ہے کہ اس طرح کے بڑے روبوٹ امریکا کے علاوہ صرف جاپان کی کمپنی سوئی ڈوباشی ہیوی انڈسٹری بناتی ہے جس نے کوراٹا کے نام سے روبوٹ تیار کیا تھا جس نے گزشتہ سال امریکا کے روبوٹ کا مقابلہ کیا تھا۔
جاپانی کمپنی نے امریکا کا چیلنج قبول کرتے ہوئے کہا ہے کہ وہ یہ چیلنج قبول کرتے ہیں اور وہ امریکی روبوٹ سے لڑیں گے۔ جاپانی کمپنی کے تیار کردہ روبوٹ کوراٹا کا وزن 4.5 ٹن ہے جب کہ اس میں خودساختہ گیٹلینگ گن لگی ہوئی ہیں جو خود کار سسٹم سے کنٹرول کی جاتی ہیں۔ روبوٹ کی لڑائی دیکھنے کے شوقین اس دن کے شدت کے منتظر ہیں جب یہ جنگ ہوگی اور وہ اس سے لطف اندوز ہوسکیں گے۔