سوشل میڈیا کی ویب سائٹ فیس بک پر لوگ تقریباً روزانہ ہی ایک دوسرے کو ان فرینڈ یا اپنی فرینڈ لسٹ میں شامل کرتے ہیں ۔ فیس بک کے صارفین کو سب سے بڑی مشکل کا سامنا تب کر نا ہوتا ہے جب انہوں نے یہ بات جاننی ہو کہ مجھے کس دوست نے اپنی فرینڈ لسٹ یعنی اپنی دوستی کی فہرست سے نکالا ہے کیونکہ اس بات کی کوئی نوٹیفیکیشن بھی نہیں ملتی کہ کس دوست نے آپ سے تعلق ختم کر دیا ہے۔اگر یہ بات کسی طرح معلوم بھی ہو جائے کہ کس نے ان فرینڈ کیا ہے تو یہ بات نہیں معلوم ہو تی کہ کب اور کس وقت ان فرینڈ کیا گیا ہے۔صارفین کی اس مشکل کو آسان بنانے کے لیے ایک نئی ایپلی کیشن تیار کر لی گئے ہے جس سے صارفین کو یہ بات با آسانی معلوم ہو جائے گی کہ کس نے کب اور کس وقت آپ کو اَ ن فرینڈ کیا ہے۔اس نئی ایپلی کیشن کا نام یہ ہے کہ مجھے کس نے ڈیلیٹ کیا(Who Deleted Me) ۔یہ ایپ کروم، اوپرا،فائر فوکس براؤزر اور اینڈرائیڈ آپریٹنگ سسٹم کے لیے مفت میں ڈاؤن لوڈ کی جا سکتی ہے۔اس کے علاوہ یہ ایپ یہ بھی بتاتی ہے کہ آپ کے فرینڈز کی تعداد میں کوئی اضافہ ہوا ہے کہ کوئی کمی پیش آئی ہے۔اس کے علاوہ یہ ایپ اور بھی باتوں سے فیس بک صارفین کو آگاہ کرتی رہتی ہے۔
